Psalmi 92
Narzędzia | Biblia Tysiąclecia | Biblia Wujka
⏪ Psalmi 91 | Chapters | Psalmi 93 ⏩
First (1) | Last (150)
1
Laus cantici ipsi David, in die ante sabbatum, quando fundata est terra. Dominus regnavit, decorem indutus est : indutus est Dominus fortitudinem, et præcinxit se. Etenim firmavit orbem terræ, qui non commovebitur.
2
Parata sedes tua ex tunc ; a sæculo tu es.
3
Elevaverunt flumina, Domine, elevaverunt flumina vocem suam ; elevaverunt flumina fluctus suos,
4
a vocibus aquarum multarum. Mirabiles elationes maris ; mirabilis in altis Dominus.
5
Testimonia tua credibilia facta sunt nimis ; domum tuam decet sanctitudo, Domine, in longitudinem dierum.